बागचौर नगरपालिका अन्तर्गतका सामुदायिक विद्यालयका प्रधानाध्यापकहरुको बैठक आज होटल शारदा टपको सभा हल बागचौरमा सम्पन्न भएको छ।

नगर प्रमुख एवं शिक्षा समिति अध्यक्ष श्री लोकमान बुढाथोकीको अध्यक्षतामा उप प्रमुख श्री कल्पना पुन, निमित्त प्रमुख प्रशासकीय अधिकृत पूर्ण बहादुर वलि, श्रोत व्यक्ति हिरालाल न्यौपाने, शिक्षक महासंघ बागचौर नगर अध्यक्ष उमेश कुमार बुढाथोकी, शिक्षा समिति सदस्य पुर्ण बहादुर भण्डारी, शिक्षक विरेन्द्र प्रकाश डि.सि. लगायत विभिन्न विद्यालयका ६२ जना प्र.अ. तथा प्रतिनिधिहरुको उपस्थिति रहेको उक्त कार्यक्रमको सञ्चालन शिक्षा शाखा प्रमुख टेक बहादुर डि.सि. ले गर्नु भएको थियो।